डडेल्धुरा: राष्ट्रिय स्वतन्त्र पार्टी (रास्वपा) की मधेश प्रदेश सभापति ममता शर्माले गम्भीर आरोप लगाउँदै पार्टी परित्याग गरेकी छन् । उनले पार्टीभित्र आर्थिक अनियमितता बढेको,इमान्दारिताको कदर नभएको आरोप लगाउँदै साधारण सदस्यबाट समेत राजीनामा दिइन् ।
विज्ञापन
संस्थापक सभापति शर्माले विज्ञप्ति जारी गर्दै आर्थिक अनियमितताबाट पार्टीका निर्णयहरु प्रेरित भएको दावी गरेकी छन् । रास्वपा सभापति रवि लामिछाने र वरिष्ठ नेता बालेन्द्र साहले मधेशमा घण्टीको मत बढाउन गरेको प्रयासमा ममताको राजीनामाले गम्भीर धक्का पुग्ने विश्लेषण गरिएको छ ।
बालेन्द्रले झापा पुगेर राजधानीमा मेयर हुँदा विदेशी चलखेलका कारण फोहोर व्यवस्थापन गर्न नसकिएको आधारहीन जवाफ दिएको,मेयर हुँदा कवाड व्यवसायी र मजदुरमाथि दुर्व्यवहार गरेको,डोजर लगाउँदै उठिबास लगाएको विषय पनि मधेशमा चर्कोसँग उठेको छ ।
