सरस्वती सुनार,डडेल्धुरा : डडेल्धुराको भित्रिमधेष क्षेत्र जोगबुडाको पहिलो माद्यमिक बिद्यालय शिद्वनाथ माध्यमिक बिद्यालय परशुराम १२ जोगबुडाको ५४ औं बार्षिकोत्सव तथा अभिवाबक दिवस समारोह उदघाटन भएको छ ।
बिद्यालय व्यबस्थापन समिति अध्यक्ष ओमप्रकाश खातीको अध्यक्षता तथा परशुराम नगरपालिकाका नगर–उपप्रमुख बिमला बोहरा महातको प्रमुख आतिथ्यतामा दिवस उदघाटन गरिएको बिद्यालयका प्रधानाध्यापक शंकरदत्त जोशीले जानकारी दिनु भएको छ ।
दुई दिवसीय बार्षिकोत्सव समारोहको अवसरमा सोमवार अन्तरसदनात्मक हस्तलेखन, मार्चपास, सास्कृतिक प्रस्तुती, बिद्यालयको आर्थिक तथा प्रगती प्रतिवेदन प्रस्तुत र प्रमुख अतिथि सहित अन्य अतिथिको सुभकामना मन्तव्य, र पुरुस्कार वितरण गरिएको प्रधानाध्यापक जोशीले जानकारी दिनु भएको छ
जोशीका अनुसार दुई दिवसीय कार्यक्रम अन्तरगत माघ १५ गते अभिवाबक म्युजीकल चियरखेल, अन्तसदनात्मक सास्कृतिक कार्यक्रम, आमा समुहको देउडा प्रदर्षनी ,पुस्कार वितरण, शिक्षक कर्मचारीहरुको प्रतिभा प्रस्तुत हुने भएको छ ।
आज भन्दा झण्डै ५३ वर्ष पहिले यस क्षेत्रका शिक्षा प्रेमी, समाजसेबीहरुको अथक प्रयासवाट सामान्य एउटा रुखको छहरीमा पठन–पाठन सुरु गरेको बिद्यालय अहिले भौतिक पुर्वाधारले सम्पन्न रहेको छ, भने शैक्षिक रुपमा पनि प्राबिधिक धार विषय पठन पाठन गरी दक्ष र मागमा आधारित जनशक्ति उत्पादनमा जोड दिई रहेको छ ।
हाल सम्म शिद्वनाथ माबि,जयपुरका उत्पादन राष्ट्र र अन्तराष्ट्रमा पहिचान वनाउन सफल रहेको विद्यालयका पुर्व प्रधानाध्यापक पदमराज जोशीले वताए ।
तत्कालिन अवस्थामा डडेल्धुराका पुराना विद्यालयका रुपमा रुपालको अशिग्राम माबि र यस क्षेत्रको शिद्वनाथ माबिलाई लिईन्छ । यस शिद्वनाथ माद्यमिक विद्यालयको स्थापनामा यस क्षेत्रका सबैको अथक प्रयास त छनै रहेको जोगबुडाका तत्कालिन मुखीया स्व.तेजवहादुर साउँदले विद्यालयलाई जग्गादान गरि भवन, कक्षाकोठा निर्माणमा ठुलो गुन लगाएको अभिवाबकहरुको भनाई छ । हाल शिद्वनाथ माद्यमिक विद्यालय जयपुरको प्राङगणमा जग्गा दाता स्व.मुखीया तेजबहादुर साउँदको अर्धकतको शालिक समेत राखिएको छ । हाल ३ वटै तहका सरकारले यस बिद्यालयलाई सक्दो सहयोग गरेको कार्यक्रमका प्रमुख अतिथि परशुराम नगरपालिकाका नगर–प्रमुख बिमला महता बोहराले वताईन । यो बिद्यालय हामी सबैको गहना बिद्यालय हो । यस बिद्यालयका जनशक्ति हामी हौ । हामीले आफ्नो जन्मदिने आमा लाई बिर्सनु र यो बिद्यालय लाई बिर्सनु उतिकै रहेकाले अझै पनि यस बिद्यालयका लागि नगरपालिकाले गर्न सक्ने हरेक सहयोगमा प्रतिवद्व रहेको उहाले वताईन ।
