बैतडी : बैतडीमा शुक्रबार राति ११ बजेतिर जिप दुर्घटना हुँदा एक जनाको मृत्यु भएको छ । जिल्लाको शिवनाथ गाउँपालिका–३ बछला देखि पचरबेउ जाने क्रममा सुप ०४/००१ ज ००६९ नम्बरको जिप दुर्घटनामा परेको थियो ।
विज्ञापन
दुर्घटनामा जिप चालक सोही गाउँपालिका–२ पचरबेउ बस्ने २६ वर्षीय केशव सिंह धामीको मृत्यु भएको जिल्ला प्रहरी कार्यालय बैतडीका सूचना अधिकारी एवं प्रहरी निरीक्षक सुरज सिंहले जानकारी दिए । जिप सडकबाट करिब दुई सय मिटर तल खसेको उनले बताए । जिप कच्ची सडकबाट अनियन्त्रित भएर खसेको हुन सक्ने प्रहरीले जनाएको छ । चालक धामीको शव पोष्टमार्टमको लागि केशरपुर प्राथमिक स्वास्थ्य केन्द्र मेलौलीमा राखिएको छ ।
