डडेल्धुरा । अमरगढी नगरपालिकास्तरीय शिक्षक तथा कर्मचारी मैत्रीपूर्ण भलिबल प्रतियोगिताको १६औँ संस्करणको उपाधि क्याम्ब्रिज पब्लिक स्कुलले जितेको छ।
विज्ञापन
राष्ट्रिय शिक्षा दिवस एवं संविधान दिवस २०८३ को अवसरमा घटाल माविद्वारा आयोजित प्रतियोगितामा उत्कृष्ट प्रदर्शन गर्दै क्याम्ब्रिज पब्लिक स्कुलले उपाधि हात पारेको हो।
प्रतियोगितामा विद्यालयका शिक्षक तथा कर्मचारीको टोलीले उत्कृष्ट खेलकौशल प्रदर्शन गर्दै कप चुम्न सफल भएको विद्यालयले जनाएको छ। विद्यालयले विजेता टोलीका सम्पूर्ण सदस्यलाई बधाई दिँदै आगामी दिनमा पनि खेलकुद तथा शैक्षिक क्षेत्रमा निरन्तर सफलता हासिल गर्ने शुभकामना व्यक्त गरेको छ।
