काठमाडौं । नेकपाका अध्यक्ष पुष्पकमल दाहाल ‘प्रचण्ड’ ले रास्वपा सभापति रवि लामिछानेमा बालेन शाहको तुलनामा बढी राजनीतिक परिपक्वता देखिएको बताएका छन् ।
विज्ञापन
सोमबार पत्रकारहरूसँग कुरा गर्दै उनले रविसँग आफ्नो नियमित संवाद हुने गरेको र उनी आफ्नो क्याबिनेटमा रहेकाले उनलाई बुझ्न सजिलो भएको सुनाए ।
रवि अप्ठ्यारोमा पर्दा आफूले सदन र सदनबाहिर समेत बचाउ गरेकाले रविले आफ्नो गुन तिर्न बाँकी रहेको उनले उल्लेख गरे।
वर्तमान सरकारलाई ‘कम्पास हराएको जहाज’ को संज्ञा दिँदै उनले यो अपरिपक्व रहेको र धेरै समय नटिक्ने दाबी गरे । साथै, रास्वपाभित्र पनि अन्तरविरोध सुरु भएको र यो सरकार दशैँ नकट्ने चर्चा चल्न थालेको उनले बताए ।
