धनगढी: प्रतिनिधिसभा सदस्य निर्वाचनअन्तर्गत सुदूरपश्चिम प्रदेशका चार निर्वाचन क्षेत्रमा मतगणना सुरु भएको छ। हालसम्म कैलाली क्षेत्र नम्बर १ र कञ्चनपुरका तीनवटै निर्वाचन क्षेत्रमा मतगणना जारी रहेको निर्वाचन अधिकृतका कार्यालयहरूले जनाएका छन्।
प्रारम्भिक मतपरिणाम अनुसार कैलाली क्षेत्र नम्बर १ मा नेपाली कांग्रेसका उम्मेदवार जनक चौधरी अग्रस्थानमा रहेका छन्। उनलाई स्वतन्त्र उम्मेदवार फागुराम थारुले पछ्याइरहेका छन्।
यस्तै कञ्चनपुर क्षेत्र नम्बर १ मा राष्ट्रिय स्वतन्त्र पार्टी (रास्वपा)का उम्मेदवार जनक सिंह धामी अग्रस्थानमा छन्। उनलाईनेकपा (एमाले)का उम्मेदवार तारालामा तामाङले पछ्याइरहेका छन्।
कञ्चनपुर क्षेत्र नम्बर २ मा रास्वपाका दीपक बोहरा अग्रस्थानमा रहेका छन् भने उनलाई नेपाली कांग्रेसका एनपी साउदले पछ्याइरहेका छन्।
त्यसैगरी कञ्चनपुर क्षेत्र नम्बर ३ मा पनि रास्वपाका ज्ञानेन्द्र महता अग्रस्थानमा रहेका छन्। उनलाई नेपाली कांग्रेसका हरि बोहराले पछ्याइरहेका छन्।
