कपिलवस्तु : कपिलवस्तुको शिवराज नगरपालिका-१ बनकसवासामा बस दुर्घटना हुँदा २६ जना घाइते भएका छन्। पूर्व-पश्चिम राजमार्गअन्तर्गत नेपालगञ्जबाट काठमाडौँ जाँदै गरेको बस बिहीबार राती करिब १२:३० बजे दुर्घटनामा परेको प्रहरीले जनाएको छ ।
विज्ञापन
नेपालगञ्जबाट काठमाडौँ जाँदै गरेको भे १ ख ४३७६ नम्बरको बस आफैं अनियन्त्रित भई सडक छेउमा पल्टिँदा २६ जना घाइते भएका हुन्। घाइते मध्ये आठ जनाको अवस्था मध्यम र १८ जनाको अवस्था सामान्य रहेको टफिक ईनिस्पेक्टर राजन ढकाले बताए ।
दुर्घटनामा घाइते भएका १२ जना उपचारपछि डिस्चार्ज भएर घर फर्किसकेका छन्। बसमा चालकसहित ३७ जना सवार रहेको प्रहरीले जनाएको छ। घटनाबारे थप अनुसन्धान भइरहेको प्रहरी नायब उपरीक्षक रिपेन्द्र कुमार सिंहले बताए ।
