९ भाद्र, डेल्धुराः डडेल्धुराको नवदुर्गा गाउँपालिका–२, बडमका गणेशप्रसाद अवस्थी नबिल बैंकको नायब प्रमुख कार्यकारी अधिकृत (नायब सीईओ) मा नियुक्त भएका छन्।
विज्ञापन
बैंकको सञ्चालक समिति बैठकले सोमबार अवस्थीलाई नायब सीईओमा नियुक्त गरेको हो।
त्रिभुवन विश्वविद्यालयबाट व्यवस्थापन र अर्थशास्त्रमा स्नातकोत्तर गरेका अवस्थीले हार्वर्ड बिजनेस स्कुलबाट ‘रणनीति’ सम्बन्धी कोर्ससमेत गरेका छन्।
बैंकिङ क्षेत्रमा साढे दुई दशकभन्दा लामो अनुभव हासिल गरेका अवस्थी ६ वर्षअघि ग्लोबल आइएमई बैंकबाट सहायक महाप्रबन्धकका रूपमा नबिल बैंक प्रवेश गरेका थिए। उनी अपरेसन, जोखिम व्यवस्थापन तथा ऋण शाखा व्यवस्थापनलगायतका क्षेत्रमा अनुभवी मानिन्छन्।
डडेल्धुराको नवदुर्गा–२, बडमका अवस्थीको नबिल बैंकको नायब सीईओमा नियुक्तिले जिल्लाको बैंकिङ क्षेत्रमा समेत चर्चा बढाएको छ।
